Pele Neymar, İspaniya millisi və daha çox haqqında...

75 yaşlı əfsanəvi futbolçu Avropada özünün “Pele: Bir Əfsanənin Doğulması” adlı yeni bioqrafik filminin reklamını aparırdı. Marca jurnalistləri braziliyalı ilə söhbət etmək fürsətindən istifadə edib.

Yaxşı, bir az da futboldan danışaq?
- Əlbəttə, yaxşı başa düşmürəm, amma danışaq...

Bu yaxınlarda dediniz ki, Messi bütün digər oyunçulardan, o cümlədən Neymardan yaxşıdır. Sizcə, braziliyalının Leo ilə bərabər olmaq üçün nə çatışmazlığı var?
- Düzdür, məndən soruşdular, mən də belə cavab verdim. Mən Neymarı uşaqlıqdan tanıyıram və onun məşqçisi mənə onun çox yaxşı olduğunu demişdi. O, həqiqətən yaxşıdır, amma Ronaldo və Messi kimi keyfiyyətlərə malik deyil. Hazırda ən yaxşı oyunçunun adını çəkməli olsaydım, Lionel deyərdim. Portuqaliyalının öz oyun tərzi var, amma ən yaxşısı, məncə, Messidir.

Neymarın Amerika Kubokunda iştirak etməməsi barədə nə düşünürsünüz?
- “Barselona”nın ona təzyiq etdiyi və getmədiyi tam aydındır. Neymar yalnız Olimpiya Oyunlarında iştirak edəcək. O, bizim üçün oynayanda biz mütləq yaxşılaşırıq. Bu, ümumiyyətlə, futbol üçün daha yaxşıdır.

Bəzən Neymar rəqiblərini onlara lazımsız görünən fəndlərlə döyür. Sizcə, o, rəqibinə qarşı hörmətsizliyini belə göstərir, yoxsa bu cür texnikalardan istifadə bütün braziliyalı oyunçuların əlamətidir?
- Bütün braziliyalılar belə üsullardan istifadə etmirdilər. Bunu Ziko etmədi, Pele də etmədi. Çünki bu, hər braziliyalı oyunçu üçün adi hal deyil. Hər kəsin öz üslubu var, ancaq Romario kimi həmişə rəqibinə hörmət etməlisən.

Öz karyeranız ərzində hansı idman arzunuza nail olmamısınız?
- Heç vaxt Olimpiya Oyunlarında oynamamışam, buna görə peşmanam. Əvvəllər peşəkar futbolçuların oynamasına icazə verilmirdisə, indi icazə verilir. Bu, heç vaxt həyata keçirmədiyim yeganə xəyaldır.

Heç vaxt Amerika kubokunu qazanmamısınız, builki turnir haqqında nə deyə bilərsiniz?
- Həmişəkindən daha yumşaqdır. Məncə, burada böyük favoritlər yoxdur. Əvvəllər həmişə Braziliya və Argentina idi, amma indi demək olar ki, bütün komandalar bərabərdir.

Dunqanın daha az müdafiəyə meylli məşqçi olduğunu dediniz, nə demək istəyirdiniz?
- Onun problemi ondan ibarətdir ki, istədiyi qədər hücumameyilli oyunçu yoxdur. 1970-ci ildə dünya çempionatında heyətimizə Roberto Rivellino, Gerson, Tostao, Jairzinyo kimi böyük futbolçular daxil idi. Biz hamımız 10 nömrəli idik və indi Braziliyada belə oyunçular yoxdur. Ona görə də Dunqa orada olanlardan istifadə edib oyunu onlara uyğunlaşdırmalıdır.

Sizcə, İspaniya komandası Amerika Kuboku uğrunda mübarizə apara bilərmi?
- Bu qitədə oynamaq çox çətindir. Amma İspaniyanın böyük komandası var və düşünürəm ki, onlar bu turnirə asanlıqla uyğunlaşacaqlar.

Ən çox sevdiyiniz ispan oyunçu kimdir?
- Mən Andres İnyestanı bəyənirəm.

Nə vaxtsa La Liqada oynamaq istərdinizmi?
- Belə imkanım var idi, çünki “Real Madrid”ə gedə bilərdim. Bu liqada tətbiq olunan futbolu çox bəyənirəm. Mənim Santos bir vaxtlar indiki Barselona kimi oynayırdı. Bu gün La Liqa komandasını seçməli olsaydım, katalonları seçərdim, çünki onların üslubu mənim Santosuma çox bənzəyir.